Narinig ito ng aking kapatid na matagal na at sanay na sa kabuhayan sa Amerika at nagulat ako sa sagot: "Burahin mo na ang salitang mahirap sa bokabularyo mo dahil lahat ay mahirap." Tama nga naman siya kaya pinagsikapan kong huwag maghanap ng dahilan. Dapat lang na isiping kakayanin ang lahat ng pagsubok para marating ang hinahangad.

Sa di nalalayong paksa, may magsasabi ring "Mahirap maging mahirap." Kasi nga naman ay maraming aspeto ang salitang mahirap, kagaya ng tungkol sa pera, sa pag-ibig (kagaya ng hirap ng pag-unawa ng damdamin), o sa pananaw. Lalo na sa panahon ngayon ng "financial crisis" na nagaganap sa maraming sulok ng mundo, kasama na ang Amerika at Europa. Sa ganang ito ay mainam na tandaan na mas matamis ang tagumpay kung mas mahirap ang laban. Sasabihin naman ng iba ay OK ito kung mananalo sa bandang huli. Nasa kanya-kanyang diskarte yan, subali't di ba mas malaki ang pag-asang maganda ang resulta  kapag ang mga hakbang ay pinag-iisipan nang todo at inaaksyonan ng naaangkop na gilas mula sa umpisa?

(Video from youtube.com; posted by 4Pinoize 05.05.09)