Ang landas ng buhay ay puno ng maraming bahagi at lugar na kung minsan ay pamilyar at kung minsan ay hindi naman. Mula sa ideya o panaginip hanggang sa huling sandali ay may iba't ibang yugto at kadalasan ay nagbabago sa paglipas ng panahon.

(Video from youtube.com; posted by jhedrick36 02.19.07)

Ilan sa mga halimbawa: ang mga mag-aaral sa elementarya na nag-iisip tungkol sa high school, ang mga nasa maliliit na bayan na nagbabalak pumunta sa mga lungsod, ang mga nasa Pilipinas na nagbabalak makipagsapalaran sa abroad bilang isang Pinoy OFW (overseas Filipino worker), ang mga kabayan na nasa ibang bansa na ang nais naman ay bumalik sa Inang Bayan

Sa lahat nang ito, madalas ay kanya kanya ang pag-plano at pagkilos ng diskarte. Hindi maiiwasan kung minsan dahil sadyang may mga bagay na walang ibang aasahan kundi ang sariling sikap, diwa, determinasyon, at disiplina upang matamo ang hinahangad. Subalit sa isang dako naman, masasabi ring sama sama tayong lahat sa magandang layunin para paunlarin ang kabuhayan at pasayahin ang mga minamahal. Kaya nga masasabing ang Pinoy ay kanya kanya kung minsan pero sama sama din naman kung tutuusin.